PSV Kasing

Aktuelle Seite: Chronik 2013

Chronik 2013 - Witziges vom Jahr

Nikolausgstandzl

Uschi Schmidtner:

Um ungebetene Gäste zu vermeiden,

gelten auch für unsa Reiterstüberl Öffnungszeiten.

Also nomoi kurz und knapp – übernocht sperrn wir das Stüberl ab!

Am Turniersonndog steckt Uschi den Schlüssel ins Schloß rein,

und sperrt Anderl aus Versehen ins Stüberl ein.

drum liebe Uschi rat ich Dir,

lass an Blerra los und dann sperr ab de Tür!

vom Nikolaus gibts an Schnaps, dass´d imma laut blerrn konnst!

Kerstin Heinz:

Jedes Jahr am Kasinger Turnier schreit Kerstin beim Dressur lesen – Hier!

Eli und Sina warn heuer de 1. Abteilung in der E-Dressur

und Kerstin las de Aufgab vor.

Eli schaut ganz verwirrt – Kerstin hod sich in der Aufgab geirrt.

Drum für Kerstin hier a Rat von Nikolaus,

schau vorher auf de Zeiteinteilung dann kennst Dich a aus!

Füa Kerstin gibt’s an Block und an Stift, damit sie sich alles richtig aufschreim konn!

Klaus Wittmann:

Hod da Klaus an seinem TShirt a mal an Fleck,

ziagt er des trotzdem nomoi o, ja do varreck!

und sogt Christine a, ziag da a frisches TShirt o,

denkt se da Klaus, passt scho, des geht schon o.

Drum gibt’s für den sparsamen Klaus,

a Waschmittel vom Nikolaus!

Lugge Weber:

Im Sommer bei Zelten warn Sina und Lugge auch am Start,

beim Zeltaufbau hod se da Lugge dacht „de Nacht werd hart“

in der kloana Dackelgarage schlafa de ganze Nacht,

mei war des a Gaudi, alle habn glacht.

zum Glück is er in da Friah ohne Beschwerden wieda aufgwacht!

Vom Nikolaus gibt’s Kissn damit da Lugge nächstes Jahr in da Dackelgarage bequem liegt!

Karolin Mayer:

Am Oktoberfest war de Ehrung der Vereinsmeisterschaft,

Karo hod beim Springen den 2. Platz gmacht.

nach der feuchtfröhlichen Oktoberfestnacht,

hod Karo den Pokal nimmer mit heim gebracht.

über a Monat war der Pokal „verschwunden“,

mit Hilfe von Christina und Anderl hodn Karo wieder gfunden.

Füa Karo gibt’s vom Niklaus a Sudoku Heft zum Gehirntraining!

Jenny Füllgrabe:

Wenn bei uns im Stall jemand hustet oder rotzt,

oda Durchfall hod und de ganze Nacht kotzt,

is des oft Jenny, die is mit dene Krankheiten geplagt,

hoffentlich liegt des ned do dro, dass de bayerische Luft ned vertragt.

Vom Nikolaus gibt’s a Erkältungsbad für de nächste Grippe!

Jürgen Nädler:

Dem Nikolaus is zum Hören gekommen, dass der Jürgen manchmal sei Frau vergisst!

Er fährt nach Kasing, macht alle Türn zu, auch wenn Christine grod im Garten beim Wäsch aufhenga ist.

Bei de Nachbarn hod sie ihm dann nach telefoniert,

ich möchte nur hoffa, dass Dir des ned öfters passiert!

Drum hod da Nikolaus für Christine a kloane Aufmerksamkeit als späte Entschuldigung vom Jürgen dabei!

Christi und Anderl:

Christi musste nach da letztn Prüfung am Hagauer Turnier dringend heim

und steckt vor lauter Hektik Anderls Autoschlüssel ein.

Ihr Handy hod Christi a ned dabei,

und sie hört beim losfahren a ned Anderls Geschrei.

Anderl stand am Parkplatz ohne Schlüssel mit Auto, 2 Pferd und Hänger,

de Wartezeit wurde lang und imma länger.

und wie da Tobi dann endlich mit dem Ersatzschlüssel kumma is,

hod er vor lauter Lacha scho Bauchweh ghabt, des ist gwiss.

zum Lacha war am Anderl sicha nicht mehr,

außer ihrm Auto war da ganze Parkplatz scho leer.

Für Christi gibt’s von mir Knoblauchdragees für a besseres Gedächtnis und

fürs Anderl gibs a Snickers wenns mal wieda länger dauert.

Moni, Tobi und Sophie

Beim Reinfliagn mit meinem Schlitten hob ich meine Augn ned traut,

de Schmidtners hom se a neues Haus gebaut.

Drum wünschen Euch heid alle Leid,

Fürs neue Heim ganz viel Glück und Zufriedenheit.

Fürs neue Heim gibt’s traditionell Brot und Salz!

Zuletzt aktualisiert am Samstag, 09. April 2016 20:28

Aktuelle Seite: Chronik 2013